رثاء القائد الشهيد صدام حسين
عباس جيجان
القصيدة
ويه الفجر
يوم العيد
وي نحر النحور
صدام قدم للوطن روحه
إجه مثل ألأسد مجروح
يمشي وتضحك جروحه
هم شايف جبل ينكاد
وإذا شفت الجبل مكيود
تلكه العله بسفوحه
مثل النخل مات وكوف
شاخص شامخه صروحه
لك لو هيجي الرجال تموت
لو غم الرجال بموت ماصخ مابه ملوحه
بجيت وما بجيت عليك
بجيت على الزمان الضمك بلوحه
بجى حتى الفرات عليك
ونهر دجله إنتحر موحه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه
رغد يا رغد لا تبجين
بس دمعة حزن للزين مسموحه
أبوج ألكتب إسمه بجبهة التاريخ
كعبه الوطن عنده وعاليه سطوحه
الزمن يشهد لأبو ألليثيت
ولو آنه شهادتي بصدام مجروحه
ما دنك براسه وإنحنى للجلاد
رغم سلسلوا رجله وشدوا جفوفه
رفض يلبس نكاب الموت
وضحك على الموت سنه وعيننه تشوفه
عجل والله يتباهى يسجل التاريخ
عنه وتكتب حروفه
مو حبل العلى الركبه طلع ملفوف
ركبه على الحبل طلعت الملفوفه
إذا ًحقها العرب تحزن عليه وتنوح
وكع خيالها والشمس مكسوفه
من زغره عجيد عنيد وضد الأستعمار
ابوج الوصل سابع جار معروفه
وإذا البصره حزنت مصباح يوم العيد
يم تكريت طلعت تلطم الكوفه
وإجت نينوى محنية ظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد اصبحت مجتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه
416
احصاءات
معلومات القصيدة: رثاء القائد الشهيد صدام حسين
عنوان القصيدة رثاء القائد الشهيد صدام حسين الشاعر عباس جيجان
تاريخ الاضافة 17/12/2007 اضافة بواسطة اصدق شعور
اخر قراءة 08/05/2011 التقييم 7.6 /10 ( التقييمات 14 )
الارسال للاصدقاء 0 مرات الطباعة 6
زوار الشهر 16 اجمالي الزوار 1724
![]()
الموضوع : اجمل ماكتب الشاعر عباس جيجان رثاء القائد صدام حسين المصدر : موقع قلوب العرب
موضوع: اجمل ماكتب الشاعر عباس جيجان رثاء القائد صدام حسين 
الأحد مايو 08, 2011 1:33 pm
