لاتحسبين العرس توفي وكتكات
ولاتحسبينه تويكس وإلا بوينتي
ولاتحسبين العرس كيكة وطرطات
وصلة قطعتيها ووصلة بلعتي
ولاتحسبين العرس تصفيق وأصوات
أنت على صوت الغطاريف همتي
ولاتحسبين العرس كوشة ولمبات
وانت كما الطاووس فيها جلستي
ولاتحسبين العرس أحلام في الشات
ياما بنيتيها وياما هدمتي
ولاتحسبين العرس روحة وجيات
هيا اقضبي بيتك عسى مانهبلتي
ليلة سعييدة وانت احلى الجميلات
تشخص عيون الناس إذا حضرتي
(واللاينر)حطيه بلا زيادات
لايخرب الماكياج إذا دمعتي
(والمسكرة)تحتاج لطف ومدارات
حتى يبان ازين اذا غمضتي
(والاسبريه) رشيه حى البصيلات
ينسك شعرك زين ولو كان زدتي
وترى (المحدد) فن يحتاج رسمات
يبان رسمه زين إذا إبتسمتي
العرس يابنيه ماهوشعارات
تفنى مراسيمه وتبقين أنتي
ويبقى شريك العمر راعي الطويلات
هذا هو العرس الحقيقي عرفتي؟
أول نصيحة لك حفظ الصلوات
صلي العشاء والفجر في كل وقتي
وفي ليلة العرس الموفق وبالذات
ادعي الكريم الله إذا سجدتي
والتعري لاترضين عند الكوافيرات
ولبسك يملي العين إذا لبستي
واللي على زوجك تحرضك مرات
أرجوك شوتيها شوتت بلنتي
والصبر في العشرة حتى على فتات
ياما حلا فعلتك يومك صبرتي
وإذا حفظت السر مع المدارات
زوجك ترى في عيونه أنت كبرتي
والسوق يعني هاه وقت الضرورات
وإلا ترى زوجك يدور لمفتي
زيدي الغطاء وكثري في العباءات
والله يرضى عنك إذا سترتي
أوصيك بالكبسة وكثر الإيدامات
حتى لو أنك من سببها متنتي
وخلي الرجيم اللي فشلت فيه مرات
سويه مرة واحدة لاولدتي
أوراق ورديه ترسل أزكى التحيات
خصيها بالدعوة إذا دعوتي
الموضوع : شخص ينصح بنتو يوم زواجها المصدر : موقع قلوب العرب