بصراحه لي فتره وانا منمر على اكله يسمونها باستا
بالمكرونه كان في انسان عزيز علي قال انه يموت فيها وما جات فرصه اني اجرب
هالاكله وجت فرصتي بهالعيد مع صديق رحنا على مطعم من اللي يسوون هالشغلات
المهم جاني الجرسون بالمنيو اللي مافيه اكله وحده اعرفها غير البيتزا اللي
طلبها خويي واشكال متنوعه من الدجاج ومافي كلمه بالعربي استدل منها على
طلبي قمت قلت للجرسون بلييييز باستا ههههه طبعا ما تتصورون الفضيحه اللي
حطني فيها هالصديق الفضوحي والله شوي وكنت بطلع من المطعم الكل قاعد
يناظرني وصار الدقايق ساعات ولو طلعت قبل لا آكل بسمع هسترة الشباب علي
قبل لا اوصل باب المطعم المهم مالكم بالطويله جات الطلبات وانحط صحني
قدامي والا اشوف مكرونه غير اللي اعرفها مو حبال لا شكلها مثل شرايط بنات
المدارس يعني مكرونه شرايط والخلطه اللي محطوطه معها حامض حلو واللي عرفت
من خويي ان فيها جبنه وصلصه وقشطه وبهارات بالله يا جماعه هاذول ينجمعون
في صحن واحد انا بصراحه ما جاز لي لا الطعم ولا الشكل ولا الريحه وبما اني
صرت تحت الاضواء ونجم القعده ذاك الوقت لان الكل يناظروني من تحت لتحت
غصبت نفسي على الاكل مره اقنع نفسي بالاحراج اللي انا فيه ومره اقول ليش
ما استطعمه وأهو اكلة وليفي المهم غاصبت نفسي على ربع المحطوط وصديقي ما
قصر حذف لي قطعتين بيتزا وخرجنا من المطعم ونا كبدي يلوع من مرارة طعم
اللي ماكله اكله كلها لخبطه بلخبطه ما في طعم محدد تركز عليه ومن ساعتها
اقتنعت ان الواحد يقتنع بالحب وبس وماله بالشغلات الثانيه اللي تعجب وليفه
ونا عبالي بالحركات هاذي بقرب من وليفي وافهمه اكثر هههههههه
الموضوع : نصيحه لا تسأل اللي تغليه وش الاكله اللي يحبها المصدر : موقع قلوب العرب